Kryetari i Aleancës për Ardhmërinë e Kosovës, Ramush Haradinaj në ditën ndërkombëtar të personave të zhdukur, ka thënë se motrat, vëllezërit e fëmijët tonë të pagjetur mbesin plagë e hapur dhe dhembje që vazhdon.
Haradinaj ka shkruar në Facebook se ata nuk kërkuan asgjë më shumë, vetëm se të jetojnë të lirë në shtëpinë e tyre, në dheun e të parëve.
“Zemra jonë bashkëndjen me familjarët që ende presin të dashurit e tyre. Jemi gjithmonë bashkë”, ka shkruar Haradinaj.
Përndryshe, janë edhe 1632 persona të zhdukur nga lufta e fundit në Kosovë. /Telegrafi/
