Përkujtohen vëllezërit Gërvalla – në një video nëna Ajshe flet për Haradinajn kur e kishte vizituar varrin e Jusufit atë kohë

Kemajl Berisha

3 years ago

Sot është 39 vjetori i rënies heroike të vëllezërve Gërvalla.

Kryetari i Aleancës për Ardhmërinë e Kosovës (AAK), Ramush Haradinaj ka bërë homazhe tek varrezat e heronjve Jusuf e Bardhosh Gërvalla.

Haradinaj ka thënë se vëllezërit Gërvalla janë heronjtë e Kosovës për liri.

Nëna Ajshe në një fjalim që ka qarkulluar në media vite më parë, kishte treguar për një ndodhi gjatë kohës së paraluftës me ish-komandantin e UÇK-së, Ramush Haradinaj, tani kryetar i Aleancës për Ardhmërinë e Kosovës, njëherësh kandidat për President.

“Jusufi nuk do lula, Jusufi do pluma” tregoi nëna Ajshe se këto ishin fjalët e kreut të AAK-së, kur e kishte vizituar varrin e Jusuf Gërvallës atëkohë.

“Këto fjalë të Ramushit më hapën zemrën, dhe jam bind se kur të bëhet lufta, paska njerëz që kujtojnë Jusufin dhe se djemtë e mi nuk do mbeten gjithmonë atje në Gjermani”, thoshte nëna Ajshe.