Haradinaj nis takimet me degët e AAK-së, përgatitet për zgjedhjet komunale

Jehona Hulaj

4 years ago

Kreu i Aleancës për Ardhmërinë e Kosovës (AAK), Ramush Haradinaj është takuar me degët e Aleancës.

Haradinaj përmes një postimi në Facebook ka thënë se përfaqësuesi më i afërt me popullin është i zgjedhuri në Kuvendin Komunal.

“Aleanca me kujdes ka filluar përgatitjet për zgjedhjet komunale në të cilat do të paraqitet me alternativën më të mirë qeverisëse e zhvillimore. Me përgjegjësinë më të madhe për qytetarët e Prizrenit, Drenasit, Fushë Kosovës dhe Kaçanikut, me degët e Aleancës do të përzgjedhim kuadrot më të mira për përfaqësimin e tyre në pushtetin komunal”, shkruan Haradinaj.

Postimi i plotë:

Përfaqësuesi më i afërt me popullin është i zgjedhuri në Kuvendin Komunal.

Aleanca me kujdes ka filluar përgatitjet për zgjedhjet komunale në të cilat do të paraqitet me alternativën më të mirë qeverisëse e zhvillimore.

Me përgjegjësinë më të madhe për qytetarët e Prizrenit, Drenasit, Fushë Kosovës dhe Kaçanikut, me degët e Aleancës do të përzgjedhim kuadrot më të mira për përfaqësimin e tyre në pushtetin komunal.

Qeverisja jonë në shtatë komuna, ka dhënë shembuj suksesi, që ne do t’i bartim edhe në komunat e tjera të Kosovës.