Personi që sot humbi jetën nga orteku i borës në Brezovicë është Arian Daci, djali i ish-kryetarit të Kuvendit të Kosovës, Nexhat Dacit.
Kryeministri Ramush Haradinaj, ka shprehur ngushëllime ish kryeparlamentarit, Daci, ndërkaq ka thënë se është tronditur nga fatkeqësia në Brezovicë.
“I tronditur nga fatkeqësia në Brezovicë, ku humbi jetën Arian Daci, kurse mbeti i lëndur Ardian Bakalli. Ngushëllimet më të sinqerta mikut tim, Akademik Nexhat Dacit, familjes së ngushtë të Arianit si dhe miqve e kolegëve të tij”, ka shkruar Haradinaj në Facebook.
Arian Daci ishte zëvendësministër i Diasporës dhe Investimeve Strategjike. /Telegrafi/