Kryetari i Aleancës për Ardhmërinë e Kosovës, Ramush Haradinaj ka reaguar pas vërshimeve që kanë përfshirë qytetin e Pejës.
Haradinaj ka ngushëlluar familjen Ademaj që humbi dy familjarët e tyre, transmeton Telegrafi.
“I tronditur pas vërshimeve në Pejë, apeloj që qeveria, komuna dhe të gjitha institucionet përgjegjëse, të veprojnë me vendosmëri e seriozitet.Bashkëndjej me familjen Ademaj që humbi familjarët. Bashkëndjej me të gjithë qytetarët që u dëmtuan nga vërshimet”, thuhet në reagimin e Haradinajt.
Ndryshe, Policia tashmë ka njoftuar se një grua bashkë me djalin e saj kanë humbur jetën. Vërshimet kanë shkaktuar edhe dëme të shumta materiale. /Telegrafi/
