Kryeministri Ramush Haradinaj i është përgjigjur ftesës së ish-presidentes Atifete Jahjaga në përkrahje të fushatës “Mbjellë një pemë”.
Haradinaj në një postim në rrjetin e tij social Facebook, ka shkruar se ka zgjedhur për të mbjellë një fidan kopshtin parashkollor “Milingonat” në Kodrën e Trimave.
Ai tha se ka zgjedhur këtë vend për ta bartur shembullin tek fëmijët se sa i rëndësishëm është mjedisi i gjelbër dhe bashkëveprimi me natyrën.
Ai po ashtu në përkrahje të kësaj fushate ka zgjedhur të sfidoj liderin e Lëvizje Vetëvendosje, Albin Kurtin.
“Që ta vazhdojnë këtë fushatë vetëdijesimi, sfidoj kryetarin e Lëvizjes Vetëvendosje – Albin Kurti, drejtuesin e kompanisë teknologjike Gjirafa – Mërgim Cahani, teologun Xhabir Hamitin, Dom Lush Gjergjin, Shejh Xhemajli Shehun, igumenin e Manastirit të Deçanit – Sava Janjiq, tenorin Ramë Lahaj, sopranon Adelina Paloja, alpinisten Arineta Mula dhe këshilltarin tim Halil Matoshi. Ta dëshmojmë dashurinë ndaj Kosovës, duke e ruajtur dhe rivitualizuar mjedisin tonë”, ka shkruar në Facebook, kryeministri Ramush Haradinaj.
Ndryshe, Donjeta Gashi, ish-gazetare dhe tani këshilltare e Kryeministrit, e ka nisur sfidën “Mbjelle një peme”, të cilës i janë përgjigjur shumë persona. /Telegrafi/
