Kryetari i Aleancës për Ardhmërinë e Kosovës, Ramush Haradinaj ka kujtuar 22 vjetorin e sulmeve të NATO-s ndaj caqeve serbe.
Haradinaj në një postim në rrjetin social Facebook ka kujtuar edhe të rënët për liri.
“24 marsi i vitit 1999, nuk ishte një ditë e zakonshme.
Përderisa përkujtonim 1-vjetorin e nisjes së luftës në Dukagjin, Gazmendin, Himën dhe Agronin, atë ditë nisi edhe fundi i një okupimi të egër.
Derisa Shtetet e Bashkuara të Amerikës me aleatët e tjerë të NATO-s, mbuluan qiellin me aeroplanë, armiku nisi sulmet ndaj popullatës së paarmatosur anekënd vendit.
Sot kujtojmë njëzetepesë të rënët në Kotlinë, Zona Operative e Nerodimes, të rrethuar e të vrarë barbarisht.
NATO-s faleminderit përjetësisht!
Të rënëve, përgjithmonë Lavdi!”. /Telegrafi/
