Kryeministri i Kosovës, Ramush Haradinaj ka kujtuar hyrjen e trupave të NATO-s në Kosovë, para 20 viteve. Ai ka thënë se në përvjetorin e çlirimit dhe të kthimit të qytetarëve të Kosovës në tokën e tyre, sot kujtohet sakrifica e popullit dhe sakrifica e ushtarëve të NATO-s që u renditën në të drejtën e njerëzimit.
Haradinaj ka thënë se për të ishte nder të merr pjesë në ceremoninë solemne të shënimit të 20-vjetorit të KFOR-it në Kosovë.
Shkrimi i plotë:
“Ndërhyrja e NATO-s në Kosovë, ndërprerja e gjenocidit dhe spastrimit etnik janë vlera më sublime për lirinë dhe jetën. Në përvjetorin e çlirimit dhe të kthimit të qytetarëve të Kosovës në tokën e tyre, sot kujtojmë sakrificën e popullit tonë dhe atë të ushtarëve të NATO-s që u renditën në të drejtën e njerëzimit.
Sot, kemi ndërtuar një Kosovë, shtëpi e përbashkët e të gjithëve. Një shtet, që ngërthen brenda sistemit të vet po ato vlera dhe parime, të cilat para dy dekadash i përfaqësonin, shtetet dhe kombet e lira, anëtare të NATO-s.
I nderuar të marrë pjesë, sot në ceremoninë solemne të shënimit të 20 vjetorit të KFOR-it në Kosovë.
Mburremi me ketë fuqi të përkushtimit për ndërtimin e të ardhmes së përbashkët”./Telegrafi/
