Kryetari i Aleancës për Ardhmërinë e Kosovës (AAK), Ramush Haradinaj ka vizituar sot shtëpizën “Autizmi Flet”, në tregun e fundvitit në Prishtinë.
Haradinaj ka përgëzuar stafin dhe vullnetarët e Organizatës për kauzën e tyre humane.
“Vizitova shtëpizën “Autizmi Flet” në Tregun e Fundvitit në Prishtinë, për të shprehur përkrahjen ndaj të rinjve dhe të rejave të cilët ofrojnë shërbime për fëmijët me autizëm. Me këtë rast përgëzova stafin dhe vullnetarët e organizatës ‘Autizmi Flet’ për kauzën e tyre humane”, ka shkruar Haradinaj në llogarinë e tij në Facebook.
Ai ka thënë se kujdesi ndaj fëmijëve të prekur, është vërtetë humanizëm i jashtëzakonshëm.
“Të gjithë ata që përkujdesen për këta fëmijë i falënderoj nga zemra. Puna dhe kujdesi ndaj tyre është vërtetë një humanizëm i jashtëzakonshëm”, ka përfunduar Haradinaj. /Telegrafi/
