Kryeministri në detyrë, Ramush Haradinaj ka pritur në takim kolonelin Chad Daniels dhe ekipin e tij nga Elementi Mbështetës Kombëtar i ShBA-së në kuadër të KFOR-it (U.S National Support Element – NSE).
Haradinaj përmes një shkrimi të bërë në Facebook, ka shkruar se pranimi i flamurit amerikan, i valëvitur më datë 20 nëntor 2019 në Kampin Elementi Mbështetës Kombëtar i SHBA-ve, është po ashtu një nder dhe privilegj, transmeton Telegrafi.
Ai ka thënë se populli i Kosovës u është përjetësisht mirënjohës, ushtarëve, qeverisë dhe popullit amerikan, për ndihmën e pazëvendësueshme në realizimin e aspiratës historike për liri dhe pavarësi.
Haradinaj ka thënë se Kosova i përket botës, të cilës i prinë Amerika dhe do të jetë gjithmonë krah saj në rreshtin e paqes./Telegrafi/
