Kryetari i Aleancës për Ardhmërinë e Kosovës, Ramush Haradinaj ka deklaruar se Kosova duhet të anëtarësohet në NATO, dhe se kjo sipas tij është zgjidhja.
Kreu i AAK-së pohon se rendi dhe ligji nuk ka alternativë dhe se duhet të forcohet në të gjithë vendin, pa përjashtim, transmeton Telegrafi.
“Siguria e përgjithshme lehtëson dhe shpejton rendin dhe ligjin. Siguria dhe stabiliteti, forcon edhe ekonominë. Kosova në NATO është zgjidhja. Jo anasjelltas. Jo larg integrimeve euroatlantike për më shumë rend e ligj. E kundërta. Sa më afër integrimeve dhe sa më shpejtë në marrëdhënie kontraktuale me NATO-n, aq më shumë rend dhe ligj, aq më shumë ekonomi”, thotë Haradinaj.
Ditë më parë, Haradinaj ka kritikuar opozitën për mënyrën se si po e udhëheq vendin, ku edhe ka kërkuar dorëheqjen e kryeministrit. /Telegrafi/
