Lideri i Aleancës për Ardhmërinë e Kosovës, Ramush Haradinaj, ka zhvilluar sot takim më ish-zëvendës kancelarin austriak, Erhard Busek.
Haradinaj në Facebook ka shkruar se “bashkëbiseduam për zhvillimet aktuale politike nëpër të cilat po kalon Kosova, zhvillimin ekonomik, sundimin e ligjit, proceset integruese si dhe mundësit e bashkëpunimit të mëtejmë ndërmjet Kosovës dhe Austrisë”.
Ai ka theksuar se Busek-ut ia ka përcjellur mirënjohjet dhe falënderimet për mbështetjen e vazhdueshme që Austria i ka dhënë dhe po i jep Kosovës.
“Austria vazhdon të mbetet partner i rëndësishëm i Kosovës në rrugën drejt BE-së dhe ne jemi krenarë për miqësinë midis dy vendeve tona. U pajtuam që të punojmë shumë për të forcuar dhe thelluar bashkëpunimin në mes të dy vendeve tona, në të gjitha fushat, e në veçanti në ekonomi dhe integrime evropiane”, ka shkruar Haradinaj. /Telegrafi/