Kryeministri në detyrë Ramush Haradinaj, në ceremoninë e shënimit të 20- vjetorit të themelimit të Doganës së Kosovës, theksoi se doganierët përveç që bëjnë një punë të dobishme për shtetin në kontrollimin e mallrave, janë edhe pasqyra e shtetit në kufij.
Drejtori i përgjithshëm i Doganës së Kosovës, Bahri Berisha, theksoi se themelimi i Doganës në vitin 1999 ishte një sfidë, ndonëse ishte një ndër institucionet e para të themeluara pas luftës që zhvillonte veprimtarinë e saj fillimisht në pikën kufitare në Han të Elezit dhe pastaj në të gjitha pikat kufitare të Kosovës për mbledhjen e të hyrave.
Edhe pse pas pavarësisë së Kosovës, ky institucion është sfiduar të menaxhoj pikat kufitare në veri, Jarinjë dhe Bërnjak për tri vjet, deri në vitin 2011.
Bedri Hamza, ministër i Financave në detyrë, tha se Kosova falë punës së doganës ka stabilitet makrofiskal.
Dogana po ashtu ka shfaqur me këtë rast edhe një dokumentar që pasqyroj gjithë zhvillimet nga viti 1999 deri 2019. /kp/Telegrafi/