Deputeti nga radhët e partisë Aleanca për Ardhmërinë e Kosovës, Daut Haradinaj, ka thënë se janë pro përmirësimit të raporteve me Serbinë, por jo vetëm duke dhënë Kosova.
Ai këto komente i bëri në tryezën e organizuar nga Instituti Demokratik i Kosovës.
Haradinaj the marrëveshjet e arritura ndërmjet Kosovës dhe Serbisë, nga pala kosovare janë zbatuar pothuajse të gjitha, ndërsa nga pala serbe jo.
“Serbia që nga fillimi i dialogut nuk është ndalë asnjëherë duke ndërhyrë në Kosovë”.
Haradinaj më tej ka folur edhe për çështjen e liberalizimit të vizave dhe kritereve që po kërkohen nga Kosova.
“Kosova nuk ka viza, ka kushte të ashpra për viza që as vetë vendet anëtare të BE-se nuk i kanë plotësuar ende, siç është çështja e Demarkacionit”, tha ai.
Deputeti i AAK-së kërkoi që dialogu me Serbinë të ndërpritet dhe t’i bëhet me dije se nuk mund të luajë me qytetarët e Kosovës. /Telegrafi/