Kryetari i Aleancës për Ardhmërinë e Kosovës, Ramush Haradinaj ka vendosur që sot, në Ditën Botërore për Dhurimin e Gjakut, së bashku me bashkëpartiakët e tij të dhurojë gjak.
Lexoni të plotë postimin e tij në Facebook:
“Me kolegët e mi nga AAK në Qendrën e Transfuzionit të Gjakut
Më e pakta që mund të bëjmë në një ditë si kjo, është të japim diçka nga vetja për ata mijëra pacientë, që iu ndodh të varen nga gjaku i dhuruar!
Por kjo është vetëm një ditë, ndërkaq nevoja për gjakun e dhuruar është e përditshme.
Më gëzoj fakti që paqeruajtësit ndërkombëtar në Bondsteel, ishin përgjigjur në numër të madh dhurimit të gjakut.
Dhurimi i gjakut është më shumë se sa kulturë. Është ta ndihmosh tjetrin pa e njohur!”. /Telegrafi/