Haradinaj deputetëve: Nxirrni një ligj për faljen e gjobave për bizneset që u gjobitën këta 15 muaj

Kemajl Berisha

3 years ago

Zyrtari i Aleancës për Ardhmërinë e Kosovës (AAK), Daut Haradinaj kandidat për kryetar të komunës së Prishtinës, iu ka bërë thirrje gjithë deputetëve që të nxjerrin një vendim për faljen e gjobave për të gjitha kategoritë biznesore.

Në një postimi në Facebook, Haradinj shkroi se përtej politikave ditore, duhet marrë një vendim i drejtë dhe duhet dëshmuar uniteti në përkrahje të qytetarëve.

“Të nderuar ish-kolegë deputetë, Ju bëj thirrje që të nxirrni një vendim për faljen e gjobave për të gjitha kategoritë biznesore që u gjobitën gjatë këtyre 15 muajve. Përtej politikave ditore, merreni një vendim të drejtë dhe dëshmoni unitet në përkrahje të qytetarëve tanë”, u shpreh ai.

Ndryshe, anëtarët e Kuvendit do të mblidhen nesër në orën 12:00 për të diskutuar pikat e rendit të ditës dhe përgatitjet për seancën e re plenare.

Në një nga pikat e rendit të ditës në mbledhjen që do të mbahet nesër nga ora 12:00 nga Kryesia e Kuvendit, do jetë edhe interpelanca me ministrin e Financave, Punës dhe Transfereve, Hekuran Murati, për faljen e gjobave ndaj bizneseve që kanë shkelur masat anti-Covid.

Partia Socialdemokrate (PSD) ka bërë me dije se përmes një peticioni i cili tashmë ka marrë mbi 5 mijë nënshkrime, sapo të arrihen 10 mijë persona pro peticionit, ky i fundit do të dërgohet në Kuvend./Telegrafi.