Nënkryetari i Organizatës së Veteranëve të Ushtrisë Çlirimtare të Kosovës, Nasim Haradinaj, është shprehur i bindur se kërkesa e veteranëve për ta ndryshuar Ligjin për Gjykatën Speciale do të votohet nga deputetët e Kuvendit të Kosovës.
Ai në emisionin “Fakt Plus”, në Tribuna Channel, përgjegjësinë për këtë Gjykatë ia hedh presidentit dhe të gjithë atyre, siç thotë ai, që kanë votuar gabim.
“Ne nuk jemi që Specialja të mos ndodh, por që Specialja t’i ndjek të gjitha krimet nga të dyja palët. Të ndiqen edhe krimet që serbët i kanë bërë në Kosovë”, ka thënë Haradinaj.
Ai ka thënë se “uron që deputetët e Kuvendit të mos jetojnë me turpin e kësaj kërkese legjitime”, ngase, siç është shprehur ai, “kjo është kërkesë e gjithë popullit”.
