Ngjarja tragjike e ndodhur të martën në Gjakovë ku u shkaktuan dy viktima, ka sjellë reagime të shumta nga shoqëria civile dhe politika.
Edhe kryeministri Ramush Haradinaj vrasjen e ka quajtur si veprim jo njerëzor dhe të papranueshëm.
“Privimi i jetës së dikujt është veprimi më jo njerëzor dhe më i papranueshëm”.
Ai e ka dënuar fuqishëm vrasjen e nënës dhe vajzës së saj në Brekoc të Gjakovës.
“Si Kryeministër i vendit, e dënoj fuqishëm vrasjen e nënës dhe vajzës së saj në Brekoc të Gjakovës. Përgjegjësit e këtij akti duhet të marrin përgjigjen e duhur nga drejtësia”.
“Kosova është një vend i barabartë për të gjithë dhe veprime të tilla na godasin të gjithëve, pa dallim gjinie!”, thuhet në fund të reagimit që kryeministri Haradinaj e ka bërë në Facebook./Telegrafi/