Haradinaj: Agjenda kryesore e Aleancës në qeverinë e ardhshme është zhvillimi ekonomik

Jehona Hulaj

4 years ago

Kandidati për President të Kosovës nga radhët AAK-së, Ramush Haradinaj, para strukturave në Kamenicë ka thënë se Aleanca në Qeverinë e ardhshme do të jetë e përqendruar në zhvillimin ekonomik të vendit.

“Agjenda kryesore e Aleancës në qeverinë e ardhshme është rritja dhe zhvillimi ekonomik.Para strukturave në Kamenicë, shpjegova rëndësinë e shtetit të sigurt, të fortë e të qëndrueshëm, në rritjen ekonomike dhe zhvillimin e vendit”, ka thënë Haradinaj.

Po ashtu Haradinaj ka thënë se me të në krye të shtetit, dinjiteti dhe integriteti i vendit do mbetet i pacenueshëm.

“Me mua si President i ardhshëm i Republikës së Kosovës, dinjiteti dhe integriteti i Atdheut tonë do mbetet i pacenueshëm”, ka thënë Haradinaj para strukturave në Kamenicë. /Telegrafi/