Komiteti i konkurrencës i federatës spanjolle të futbollit ka hapur procedurë disiplinore kundër mbrojtësit të Barcelonës, Gerard Pique.
Pique para disa ditësh foli në lidhje me gjyqtarët se si ata po e ndihmojnë Real Madridin dhe po funksionojnë kundër Barcelonës.
Tani, Pique është futur në procedurë disiplinohet pasi thuhet se ka vënë në dyshim integritetin e garës dhe komentet e tij të fundit do të analizohen.
Komentet e Pique në YouTube
“Një ditë më parë një ish-gjyqtar tha që 85 për qind e gjyqtarëve mbështesin Real Madridin”.
“Si nuk do të fishkëllejnë në favor të Real Madrid? Edhe pa vetëdije, si nuk do të japin më shumë për njërën palë sesa tjetrën?”.
“Unë respektoj profesionalizmin e gjyqtarëve dhe e di që ata përpiqen të bëjnë punën e tyre më të mirë, por kur vjen një moment dyshimi…”, kishte thënë Pique.
Këto komente tani e kanë futur mbrojtësin e Barcelonës – i cili aktualisht është i dëmtuar – në ujë të nxehtë. /Telegrafi/