Një gropë gjigante që u hap në mes të rrugës në Virginia të SHBA-ve, ka “përpirë” një veturë e cila humbi në gjashtë metra thellësi.
Një video amatore shfaq veturën që ishte e parkuar në skaj të një rruge në qytetin Dale në Virginia, që kishte përfunduar në gropën që u hap si rezultat i shembjes së dheut, transmeton Telegrafi.
Videoja është postuar në Facebook nga Oscar Galdamez, ku vetura me ngjyrë të kuqe Dodge Caravan u zhduk nga sipërfaqja e asfaltit.
Për fat brenda veturës nuk ishte askush, pasi ishte parkuar prej kohësh nga pronari, kurse autoritet lokale kanë njoftuar se do u duhet kohë që ta rregullojnë rrugën që tashmë është zgjeruar në gjysmë të dy korsive. /Telegrafi/
