GROW Club i dedikohet ndërmarrësve në zhvillim, të cilët kërkojnë të zgjerojnë rrjetin e tyre të biznesit, të rrisin vëllimin e shitjeve dhe të përmirësojnë pozitën në treg.
CEED Grow është program atraktiv 1-vjeçar që ofron mësime të bazuara në përvojë nga ndërmarrës të suksesshëm, takime individuale me profesionistë në fushat e biznesit tuaj, takime për rrjetformim si dhe shërbime individuale që janë në përputhshmëri me objektivat dhe sfidat e kompanisë tuaj.
CEED Grow është program i zhvilluar nga CEED Kosova dhe deri më tani mbi 300 ndërmarrës nga Kosova kanë përfituar nga shërbimet e ndryshme që ky klub ofron.
Numri i anëtarëve të rinjë për këtë gjeneratë është i limituar, dhe aplikimi është i hapur deri më 25 tetor 2018. Për të aplikuar në këtë program, ju lutem klikoni KËTU
Rreth CEED Kosova
Center for Entrepreneurship and Executive Development – CEED Kosova është themeluar ne vitin 2009 nga USAID dhe SEAF, dhe është pjesë e rrjetit ndërkombëtar që vepron në Evropën Juglindore, Azinë Juglindore dhe Afrikën e Veriut.
CEED Kosova ju ofron ndërmarrësve katër përbërës kyç që ata kanë nevojë për të përshpejtuar rritjen e biznesit të tyre – programe praktike për ngritje të kapaciteteve, lidhjet me tregjet e reja, qasjen në kapital, dhe më e rëndësishmja qasje në një komunitet në rritje të ndërmarrësve dhe menaxherëve kosovar me nivel të njëjtë të të menduarit, të cilët ndajnë rreziqet dhe sfidat që lidhen me fillimin dhe menaxhimin e një kompanie në rritje. /Telegrafi/