Hansi Flick ka marrë drejtimin e Barcelonës, teksa synon që ta rikthej gjigantin katalunas te trofetë.
Megjithatë trajneri gjerman ka kërkuar nga një ish-lojtar i katalunasve t’i bashkohet atij në stafin e trajnerëve.
Thiago Alcantara befasisht ka vendosur t’i jap fund karrierës si futbollist, teksa synimi është që të bëhet një trajner në të ardhmen.
Barcelona, Bayern Munich dhe Liverpool ishin tri skuadrat e karrierës, ndërkohë që mund të rikthehet aty ku e nisi.
Drejtimin e katalanasve e ka marrë një gjerman, Hansi Flick, i cili i ka dërguar një ftesë të parefuzueshme.
“Thiago, rikthehu te Barcelona si zëvendësi im”, janë fjalët që ish-trajneri i Bayernit dhe kombëtaren gjermane i ka drejtuar mesfushorit.
Për të cilin ka një admirim dhe vlerësim të veçantë që prej kohës kur punuan e fituan së bashku te Bayerni.
Sport ka raportuar se ditëve të ardhshme Thiago Alcantara do t’i jap një përgjigje përfundimtare Flick, pasi oferta e trajnerit gjerman e ka tunduar atë. /Telegrafi/