Prezantuesja dhe modelja e njohur, Hana Noka, e cila jeton dhe vepron në Shtetet e Bashkuara të Amerikës, është bërë zyrtarisht shtetase amerikane.
Ajo ka publikuar në llogarinë e saj zyrtare në Instagram disa imazhe, nga momenti kur ka kryer betimin gjatë marrjes së nënshtetësisë.
Në përshkrimin e këtij postimi, autorja e librit “Besa Po”, ka shkruar se fatkeqësisht nuk pati të drejtë vote në këto zgjedhje, por që ndjehet mirë që populli amerikan vendosi për kandidatin që do të kishte votuar ajo.
Ky është postimi i saj i plotë:
“Ne njerëzit! Unë, Hana Noka, një amerikane krenare nga sot, më saktësisht, një shqiptaro – amerikane që nuk do t’i harrojë kurrë rrënjët e saj.
Kur u transferova në ShBA, u zhvendosa për atë që përfaqësonte, lirinë, mundësinë dhe vendin ku ëndrrat bëhen realitet.
Jam krenare që u bëra amerikane në kohën kur një shpresë e re po rritet dhe Amerika është kthyer përsëri!
Fatkeqësisht, nuk isha në gjendje të votoja në këto zgjedhje historike, por jam e kënaqur që shumica votoi për kë do të kisha votuar. Ne kemi nevojë për unitet, dashuri dhe liri.
Unë jam duke pritur për ditët përpara nesh, dhe unë besoj fort se do të jenë ditë më të mira.
Këto janë Shtetet e Bashkuara të Amerikës! Toka e të lirëve dhe shtëpia e trimave”, ka shkruar Hana Noka. /Telegrafi/