Në “Debat Plus” me Ermal Pandurin në RTV Dukagjini po debatohet për temën e korrigjimit të kufijve.
Në këtë temë janë përplasur përfaqësuesi i LDK-së Muhamet Hamiti me atë të PDK-së, Blerim Latifi për rolin e Presidentit Thaçi, përcjell Telegrafi.
Derisa Hamiti ka thënë se PDK dhe Thaçi janë në një mendim për kufijtë, kurse Latifi ka thënë se Thaçi është president i Kosovës dhe nuk është PDK.
Hamiti ka reaguar duke thënë se pse PDK deri më tani nuk ka dalë hapur për të kundërshtuar idenë e Hashim Thaçit për kufijtë.
Përfaqësuesi i PDK-së ka thënë se qëndrimi i zotit Veseli ka qenë gjithmonë i qartë: “Kufijtë e Kosovës nuk preken. Integriteti i Kosovës është i pacenueshëm”.
Hamiti i LDK-së ka reaguar ndaj Latifit duke i thënë se “Thaçi nuk e ka thënë asnjëherë këtë që po e thotë Latifi”.
Latifi ka reaguar përsëri duke thënë se ai mbron vetëm qëndrimet e PDK-së dhe nuk është zëdhënës i presidencës.
Hamiti ka replikuar përsëri duke i thënë Latifit “pse atëherë përpiqesh të mbrosh qëndrimet e Thaçit duke thënë se janë spekulime ato që fliten për kufijtë”./Telegrafi/