Trembëdhjetë pengje izraelite dhe katër shtetas të huaj janë liruar të shtunën, tha ushtria izraelite.
“Sipas informacioneve të marra nga IDF, 17 pengje u liruan, duke përfshirë 13 pengje izraelitë dhe katër shtetas tajlandez”, thuhej në një deklaratë.
“Pengjet e liruar aktualisht janë rrugës përmes Egjiptit për në pikën e takimit në Kerem Shalom”, transmeton Telegrafi.
Më herët, Ministria e Jashtme e Katarit tha se tetë fëmijë izraelitë dhe pesë gra u liruan sonte.
Lirimi i këtyre pengjeve vjen pas një ngecje të raportuar më herët, ku Hamasi deklaroi se Izraeli kishte shkelur marrëveshjen e armëpushimit humanitar.
Kjo është dita e dytë e armëpushimit katërditor të arritur midis Izraelit dhe grupit Hamas, sipas të cilit pritet lirimi i disa pengjeve izraelite dhe lirimi i të burgosurve palestinezë nga Izraeli.
Në këtë marrëveshje parashihet gjithashtu edhe kalimi i ndihmave humanitare për në Gaza. /Telegrafi/