Xhavit Haliti nga radhët e Partisë Demokratike të Kosovës pas mbledhjes së Kryesisë së Kuvendit bëri të ditur se të enjten dhe të premten do të mbahen seancat plenare.
Haliti ka folur edhe për punën e Kuvendit dhe koalicionin qeverisës.
“Nuk jam unë ai që do të shpall prishjen e koalicionit përderisa jemi duke funksionuar shumë mirë”, tha ai, duke shtuar se nuk di nëse do të ketë zgjedhje.
Sipas tij, kuvendi nuk është sabotuar, por është papërgjegjësi e deputetëve që nuk marrin pjesë në seancë si pasojë e asaj që nuk ka penalizime për ta.
Ndërsa sa i përket kthimit të Listës serbe në Kuvend, ai tha se është në interesin e tyre që ta përfaqësojnë komunitetin serb.
“Nuk jam pjesë e negocimit me ta, edhe qeveria edhe grupet parlamentare janë ata që do të bisedojnë në lidhje me çeshitet që janë në interes të tyre”, tha Haliti. /Telegrafi/