Shoqata “Jetimat e Ballkanit”, së bashku me Komunën e Podujevës do të ndërtojë Qendrën Rezidenciale për të moshuar në këtë qytet.
Shoqata do të financojë 2 milionë euro ndërsa Komuna e Podujevës do t’a mbështes me 530 mijë euro.
Objekti përveç qëndrimit ditor për të moshuar do ta ketë edhe kuzhinën popullore për ofrimin e shujtave ditore për 200 persona, hapësira rekreative, parkun, shërbimin parësor shëndetësor, dhoma fizioterapeutike.
Kryetari i Komunës Shpejtim Bulliqi shpreh falënderim për hoxhën Halil Kastrati, donatorët e shoqatës, si dhe i ka falënderuar edhe asamblistët e Kuvendit për miratimin e propozim vendimit për caktimin e lokacionit për ndërtimin e këtij objekti në qytetin e Podujevës./Telegrafi/
