Miley Cyrus arriti një moment historik të madh teksa mposhti Taylor Swift për të fituar çmimin e saj të parë “Grammy” për “Flowers”, diss-i i shkruar për ish-bashkëshortin Liam Hemsworth.
Këngëtarja 31-vjeçare, e cila gjithashtu performoi këngën hit ‘live’ në televizion për herë të parë gjatë ceremonisë, mori çmimin e parë të spektaklit kryesor për performancën më të mirë “solo pop”.
Ylli ishte i emocionuar kur pranoi nderimin nga prezantuesja Mariah Carey dhe e përshëndeti momentin e veçantë si ‘ikonik’, shkruan DailyMail.
Pasi u ngjit në skenë ndërsa mori duartrokitje nga publiku, Cyrus iu afrua mikrofonit pasi përshëndeti krijuesen e hitit “Fantasy”.
“Ky MC do të qëndrojë pranë kësaj MC sepse kjo është shumë ikonike” tha ajo e emocionuar, duke iu referuar inicialeve të tyre të ngjashme.
Më pas, Miley pranoi me humor se ishte më e shqetësuar se do të humbiste takimin me Mariah sesa të merrte një çmim “”, kur ajo u vonua në rrugën për në ceremoni.
“O Zot, sapo mbeta në shi dhe në trafik dhe mendova se do ta humbisja këtë moment.”
“Mund të kisha humbur çmimin, është në rregull, por jo Mariah Careyn.” – shtoi këngëtarja. /Telegrafi/
