Paris Saint-Germaini e ka përfshirë Achraf Hakimin në skuadrën e plotë për t’u përballur me Bayern Munichun për ndeshjen kthyese të 1/8 së finales në Ligës së Kampionëve, pavarësisht se lojtari është akuzuar për përdhunim.
Prokurorët njoftuan në fund të javës së kaluar se e kishin akuzuar zyrtarisht futbollistin për përdhunim dhe e morën në pyetje pas një incidenti që ndodhi në shtëpinë e tij në Paris më 25 shkurt (e shtunë).
Megjithatë, PSG ka vendosur ta marrë Hakimin në Munih për ndeshjen vendimtare në garën elitare kundër bavarezëve në Allianz Arena.
Klubi nuk ka vendosur nëse ai do të startojë, porse marokeni mori pjesë në seancën e plotë stërvitore të të hënës.
24-vjeçari nuk ka luajtur në fundjavë kundër Nantes, megjithëse ishte fotografuar në tribuna. Ai po ashtu ishte i pranishëm në ceremoninë e çmimeve të FIFA-s, The Best, të njëjtën ditë kur u njoftuar se ishte nën hetime.
Mbrojtësi i djathtë ka të drejtë të luajë kundër Bayernit, pasi ligjërisht mund të largohet nga territori francez, pavarësisht se është nën hetim. Ai nuk e ka të ndaluar të kontaktojë me viktimën.
PSG duhet ta përmbysë rezultatin prej 0-1 që e pësoi nga Bayern Munichu në Parc des Princes, në mënyrë që të vazhdojë në çerekfinale të Ligës së Kampionëve. /Telegrafi/
The squad for #FCBPSG! 📋🔴🔵 https://t.co/EjSxrCRmQJ
— Paris Saint-Germain (@PSG_English) March 6, 2023