Ky ekip ka transferuar në radhet e veta, futbollistën me përvojë të Kosovës nga Prishtina, Xhemile Berishën. Kjo e fundit e ka konfirmuar lajmin për Gazetën Olle.
“Kam arritur marrëveshje me Hajvalinë deri në fund të këtij stinori. Kisha oferta edhe nga Maqedonia dhe për t’u rikthyer të Vllaznia, mirëpo zgjodha Hajvalinë”, u shpreh ‘Xhuli’ për Gazetën Olle.
Ndërkohë ajo beson se ekipi I Hajvalisë do të dal kampion. “Besoj që mund të arrijmë të rikuperojmë pikët që ka lëshuar ekipi në stinorin e kaluar dhe në fund të kurorëzohemi më titullin e kampionit. Shpresoj të ndihmojë skuadrën në arritjën e këtij synimi”, përfundoi Xhemile Berisha. Kjo e fundit është anëtare Përfaqësueses së Kosovës në futboll, kurse më parë është aktivizuar edhe tek Vllaznia e Shkodrës.