Një hajdut ka arritur t’ia vjedh mijëra funte një biznesmeni i cili po hynte në bankë.
Kamerat e sigurisë të instaluara në shtyllat elektrike kanë filmuar momentin e vjedhjes, kurse pamjet i ka publikuar policia e Manchesterit, ku shihet se si një biznesmeni i vidhen mijëra funte derisa po bëhej gati të futet në bankë që t’i depozitojë, transmeton Telegrafi.
Një veturë me ngjyrë të kaltër po qëndronte afër bankës nga e cila del hajni, i cili pas disa sekondave kthehet me një qese të mbushur me para të cilat ia vjedh biznesmenit, dhe largohet nga vendi i ngjarjes thuajse asgjë e keqe nuk ndodhi.
Por, është interesant fakti se si kjo vjedhje ndodh gjatë ditës në qendër të qytetit, kurse biznesmeni duke tentuar t’ia marrë paratë rrëzohet në tokë.
Policia ka publikuar videon me qëllim që të gjithë ata që e shohin dhe kanë ndonjë informacion lidhur me këtë vjedhje, ta raportojnë rastin në polici. /Telegrafi/
