Detektivët në Antwerp të Belgjikës janë duke hetuar rrethanat e një grabitje në një bankë, të cilën hajnat e kishin realizuar duke u futur përmes tubat e kanalizimit.
Sipas mediave të huaja, përcjell Telegrafi, kur policia shkoi në bankë gjetën 30 depozita të zbrazëta, një vrimë në dysheme dhe një tunel në sistemin e kanalizimit.
Hetimet fillestare sugjerojnë se hajdutët u nisën nga një ndërtesë në pjesën e kundërt të bankës në orët e hershme të së dielës dhe u zhvendosën nëpër një tunel të hapur prej 4 metrash për t’u lidhur me një kanal kanalizim nën rrugë.
Për t’u afruar më pranë bankës, duket se vjedhësit u zvarritën përmes tubit të kanalizimit – që thuhet të jetë midis 40 centimetra dhe një metër i lartë – përpara hapjes së tunelit prej katër metra të gjatë.
E para që policia mori vesh ishte kur firma e sigurimit të bankës dëgjoi alarmin në orën 13:34 të dielën. Kur mbërriti policia, ata panë se dyert ishin të mbyllura por se alarmi ishte aktiv.
Banka thuhet të jetë e vendosur në distriktin më të madh të diamanteve në botë, duke pasur një qarkullim vjetor prej 54 miliardë dollarë. /Telegrafi/