Hajnat e veturave në Phoenix të Arizonës po përdorin pajisje të sofistikuara për të vjedhur vetura të shtrenjta, madje besohet se ata tashmë kanë në duar amplifikator dhe transmetues, që ndihmojnë në hapjen e dritares së Mercedesit të ri, të cilin e vjedhin për më pak se një minutë.
Hajnat në disa raste janë filmuar nga kamerat e sigurisë duke vjedhur vetura të shtrenjta siç ishte rasti në Whitefield, ku ata kishin për cak disa modele të veturave sportive por edhe atyre luksoze, transmeton Telegrafi.
Ata fillimisht qëndrojnë jo larg veturës derisa pronari e parkon në pronë, dhe më pas i afrohen dhe me vetëm një buton e hapin dhe e ndezin – duke pasur në dispozicion vetëm 50 sekonda që të largohen nga vendi i ngjarjes pa lënë as edhe një gjurmë.
Sipas ekspertëve të kësaj fushe, hajnat janë pajisur me vegla të ndryshme digjitale, që po u mundëson atyre të vjedhin vetura pa derdhur as edhe një pikë djerse duke tentuar të thyejnë ndonjë dritare.
Se për çfarë bëhet fjalë shikoni videon e publikuar më poshtë, që tregon më së miri “aftësitë” e tyre për të vjedhur në më pak se një minutë. /Telegrafi/
