Haaland nuk përmbahet me fjalorin, pas debutimit magjik te City

Erling Haaland bëri një deklaratë shpërthyese në transmetim direkt, pas debutimit të tij në Ligën Premier për Manchester Cityn.

City kontrolloi lojën nga fillimi në fund, ndërsa skuadra e Pep Guardiolës doli fituese 2-0, me norvegjezin që i shënoi të dyja në udhëtim te West Hami.

Reprezentuesi norvegjez mund të kishte realizuar një het-trik, por nuk ishte në gjendje të shënonte një gol të tretë përpara se të humbiste një shans të artë në minutën e 78-të.

Lexo po ashtu Nga një asistim fenomenal i De Bruynes, Haaland shënon edhe të dytin te City

Pas ndeshjes, Haaland shprehu zhgënjimin e tij që nuk shënoi tre gola duke përdorur një gjuhë mjaft shpërthyese.

“Duhet të kisha qenë aty për pak (për rastin e humbur) para se të largohesha, por kështu është” , deklaroi fillimisht ai.

Gazetari i Sky Sports, Geoff Shreeves e paralajmëroi Haaland për gjuhën e tij, Haaland u përgjigj me: “Ah m**t, më fal”, përpara se dyshja të shpërthente në të qeshura.

Haaland është padyshim një personazh i vërtetë brenda dhe jashtë fushës.

Për performancën e përgjithshme të ekipit, Haaland tha se ishte një fillim i mirë i sezonit.

Ai shtoi: “Ishte një fillim i mirë. Është ende në fillim të sezonit, kështu që është mirë të marrësh minuta. Ne e pamë potencialin kundër Bayernit (në parasezon) dhe kundër Liverpoolit ishte pak më e ulët, por do të vijë me lojëra. Kalimet do të vijnë. Duhet të ishte më shumë sot, një fillim në rregull”.

Lexo po ashtu Ylli i ndeshjes, Haaland: West Ham 0-2 Man City, notat e lojtarëve

“Ka të bëjë me lidhjet në stërvitjen e përditshme dhe praktikimin e kësaj. Do të shkojmë më mirë se kjo, nuk jam i shqetësuar”, potencoi ai.

Një paralajmërim i fortë për skuadrat e mbetura jo vetëm në Ligën Premier, por edhe në mbarë Evropën, pasi Haaland dhe City do të thotë shpërthejnë në këtë sezon. /Telegrafi/