Një nga futbollistët më të mirë në botë, norvegjezi Erling Haaland, ka postuar në Instagram dhe duke dërguar një mesazh më se të qartë për konfliktin në Rripin e Gazës dhe vrasjen e fëmijëve.
Sulmuesi i Manchester City ka postuar foton në rrjetet sociale me dy fëmijë që i mbante në dorë.
“Asnjë fëmijë i pafajshëm nuk meriton të vdesë”, shkroi Haaland në Instagram.
Mesazhi u dërgua në mes të ofensivës izraelite në Rripin e Gazës, ku izraelitët kanë bombarduar atë rajon çdo ditë për më shumë se një muaj, duke vrarë fëmijë dhe civilë të pafajshëm.
Ai bëri thirrje për paqe dhe përfundimin e armiqësive, të cilat ne të gjithë shpresojmë se do të pasojnë së shpejti. /Telegrafi/