Nurgul Yesilcay së shpejti do të përfundojë në altarin e martesës.
Aktorja e famshme turke është shprehur se po planifikon të kurorëzojë lidhjen me producentin Necati Kocabay.
Madje, bukuroshja ka bërë edhe një hap më tutje duke i prezantuar të dashurin djalit të saj, Osman Nejat.
Këtë të fundit zeshkania e ka nga martesa e mëparshme me Cem Ozer, e cila përfundoi me shkurorëzim para tetë vjetëve.
“Çdo gjë po shkon mirë”, u tha aktorja gazetarëve duke shtuar se “Po mendojmë të martohemi.”
Gjersa për ish-bashkëshortin, aktorja tha se ka marrëdhënie të mirë pasi që së bashku kanë një fëmijë.
“Kemi mbajtur marrëdhënie miqësore sepse kemi një djalë së bashku”, shtoi Nurgul.
Aktorja është e njohur më shumë për rolet si Sulltanesha Kosem dhe Gylseren në filmin ‘Fate të kryqëzuara’. /Telegrafi/