Sulmuesi i Spezias, Emmanuel Gyasi, ka treguar se çfarë i tha Cristiano Ronaldo pas ndeshjes ndaj Juventusit.
Superylli portugez u inkuadrua në lojë në pjesën e dytë dhe shënoi dy gola në fitoren prej 4-1 të Zonjës së Vjetër.
Duke folur për AshesGyamera.com, 26-vjeçari ka folur për bashkëbisedimin që pati me yllin e madh të futbollit.
“Pata një bisedë të shkurtër me Cristiano Ronaldon para se të largohesha nga fusha. I thash Ronaldos se është frymëzim për mua dhe thuajse për të gjithë futbollistët, sidomos për të rinjtë”.
“Ishte i gëzuar që i dëgjoi ato fjalë nga unë dhe qeshi. Pastaj më tha: ‘Faleminderit shumë vëllai im’ dhe më këshilloi të punoja shumë dhe të vazhdoja përpjekjet për ëndrrat e mia, sepse gjithçka në jetë është e arritshme”, ka treguar ai.
Gyasi ka debutuar në Serie A këtë sezon me Spezian dhe shpreson që të ftohet edhe nga kombëtarja e Ganës. /Telegrafi/
