Mediat spanjolle sjellin herë pas here temën e pasuesit të Carlo Ancelottit në bankinën e Real Madridit, pasi italiani do të largohet në fund të sezonit.
Së fundmi në publik janë shfaqur katër emra: Xabi Alonso, Zinedine Zidane, Alvaro Arbeloa dhe Raul. Kjo është katërshja në të cilën fshihet trajneri i ardhshëm i mbretërve.
Guti, mesfushori legjendar i Real Madridit ka qenë i ftuar në emisionin El Chiringuita, ku 46-vjeçari spanjoll është i bindur se Zinedine Zidane është zgjedhja e vetme e duhur për trajnerin e ri.
Ai gjithashtu i shpjegoi se pse mendon se rikthimi i francezit do të ishte një zgjidhje për mbretërit.
“Për sa më përket mua, Zidane është trajneri më i mirë i mundshëm për Real Madridin. Ai është i përsosur për këtë ekip dhe këtë mjedis, Florentino Perez e di shumë mirë këtë”.
⚽️ Dans la célèbre émission El Chiringuito TV en Espagne, la légende du Real Madrid, Guti, a donné son avis sur un potentiel retour de Zidane avec les Merengues. ⬇️ https://t.co/jRM9Bq0aPS
— Onze Mondial (@OnzeMondial) October 18, 2023
“Florentino sigurisht që po mendon për Alonson, por duhet të përjashtoni asgjë kur bëhet fjalë për Realin”, ka thënë Guti. /Telegrafi/