Luka Modric do të luajë në Real Madrid sezonin e ardhshëm, gjë që e konfirmoi klubi mbretëror të hënën, por sipas Gutit ai nuk e meriton të jetë në formacion, duke zgjedhur emra të tjerë për 11-shen startuese.
Kroati thuhet se zgjodhi mes një oferte të pasur nga Arabia Saudite dhe qëndrimit te Reali dhe vendosi për klubin ku luan që nga viti 2012 dhe ku fitoi statusin e legjendës.
Mediat spanjolle janë të sigurta se 38-vjeçari Modric do të ketë minuta në skuadrën e Realit edhe sezonin e ardhshëm, pavarësisht moshës së tij dhe ardhjes së Jude Bellingham.
Por nëse do të pyesni Gutin, legjendën e Realit me 542 paraqitje për skuadrën, nuk do të kishte vend për Modric në skuadër.
🐢¿Cómo encajaría Mbappé en el once del Madrid? ¿Dónde le pondríais?
🪄 Atención a la clase magistral de @GUTY14HAZ anoche en @elchiringuitotv. pic.twitter.com/a38PABEU04
— El Chiringuito TV (@elchiringuitotv) June 28, 2023
Në një emision televiziv, Guti mori rolin e trajnerit Carlo Ancelotti dhe bashkoi skuadrën ideale të Real Madridit për sezonin 2023/24, ku nuk kishte vend për Modric, ndërsa në krye të sulmit vendosi Kylian Mbappen.
Sulmuesi francez është dëshira e Real Madridit edhe pse ai ka kontratë edhe për sezonin e ardhshëm.
Formacioni i Gutit për sezonin e ri: Courtois – Carvajal, Militao, Rüdiger, Alaba – Camavinga, Kroos, Valverde, Bellingham – Mbappe, Vinicius.
/Telegrafi/