Manchester City është i vetmi klub i top ligave evropiane që nuk ka pësuar humbje.
Citizens deri më tani kanë bilanc prej njëzet fitoreve dhe vetëm dy barazime duke kryesuar ligën elitare angleze 62 pikë.
Por, trajneri spanjoll Pep Guardiola ka pohuar nëse një trajner dështon në objektivat do të duhet të largohet nga klubi.
“Do të jem këtu një vit më shumë dhe pas kësaj varet nëse fitojmë dhe e meritoj ta zgjas kontratën. Për të zgjeruar kontratat me klubet e mëdha, duhet të fitoni. Dhe, nëse nuk fitoni, ju nuk e meritoni të vazhdoni”, tha spanjolli.
Megjithatë, duket se 46-vjeçari do të mbetet edhe për shumë vite te Citizens pasi që së fundi ka blerë një apartament për tre milionë euro.
Theksojmë se Guardiola merr një pagë vjetore prej 17.5 milionë eurove dhe në rast të një suksesi edhe në garat evropiane, pritet t’i rritet rroga që do të arrij shifrat prej 20 milionëve.
Kujtojmë se Citizens bëjnë gara edhe në Fa Cup dhe Ligën e Kampionëve. /Telegrafi/