Trajneri i Manchester City, Pep Guardiola, ka paralajmëruar skuadrën të ketë shumë kujdes nga “vrasësit” që ka në skuadër Monaco.
Manchester City dhe skuadra franceze do të takohen në 1/8-t e finales së Ligës së Kampionëve.
Monaco ka qenë një rival i fortë për ekipet angleze në sezonet e fundit pasi ka mposhtur dy herë Tottenham Hotspurs në fazën me grupe të këtij edicioni dhe eliminoi Arsenal, dy vjet më parë. Guardiola tha se nuk ka asnjë dyshim për rrezikun që paraqet ky kundërshtar.
“Jam shumë i befasuar sa të fortë janë fizikisht te Monaco”, tha Guardiola gjatë konferencës për shtyp ku sqaroi se Kompany mbetet i padisponueshëm.
“Mbrojtësit e krahut luajnë si sulmues dhe sulmuesit luajnë si mesfushorë sulmues. Dy qendërsulmuesit i ka luftëtarë dhe “vrasës” në zonën e rreptësisë”, tha spanjolli. /Telegrafi/