Trajneri i Manchester City, Pep Guardiola, ka folur në konferencë për media, duke thënë se nuk do të bëjnë blerje në afatin kalimtar dimëror.
Timonieri i qytetarëve pret që të kthehet Sergio Aguero, pasi sipas tij, argjentinasi është shumë i rëndësishëm për ekipin.
“Aguero nuk është ende gati, nuk e di se kur do të kthehet nga izolimi. Na mungon, na duhet. Shifrat flasin vetë, ai është sulmuesi më i mirë në historinë tonë dhe mund të fitojë ndeshjet vetë”, ka thënë fillimisht Guardiola.
Trajneri u pyet edhe për një vazhdim të mundshëm të kontratës nga Gabriel Jesus, ku po flitet për katër vite.
“Ka befasuar në shumë mënyra, kur merr një lojtar nuk e di se si do të përshtatet. E përsëris, ai na befasoi në shumë aspekte dhe është në moshën e duhur për t’u rritur më tej. Dhe ai e di se ku duhet të përmirësohet”, nënvizoi ai.
Në fund Guardiola që njihet për blerjet e shumta, ka thënë se klubi nuk do të harxhojë, por skuadra do të përmirësohet.
“Ne po luajmë mirë në situata të caktuara, por duhet të përmirësohemi. City nuk do të transferojë në janar”, e mbylli ai. /Telegrafi/