Claudio Bravo është gati që të kthehet për Manchester Cityn, pasi e ka zhvilluar edhe stërvitjen e parë që nga muaji gusht kur ishte lënduar.
Ish portieri i Barcelonës, që nuk arriti të krijojë bindje të mirë tek fansat e tij, kishte pësuar dëmtim të rëndë në kyçin e këmbës.
Pas lëndimit të tij City ishte detyruar ta kthejë nga huazimi Aro Muricin nga NAC Breda.
Portieri i Kosovës, ishte thyer në numrin dy të portës këtë sezon, duke qëndruar në bankë në ndeshjet e Ligës Premier dhe duke e ruajtur portën në ndeshjet e Carabao Cup.
Bravo, e ka pasur për qëllim që të kthehet sa më shpejt për të qenë gati për Kupën e Amerikës.
“[Ai u kthye] për herë të parë në stërvitje dhe ishte në fushë, pas një lëndimi shumë, shumë të gjatë”.
“Pas operimit, ai ka pasur pak infeksion, që iu desh kohë të rikuperohej. Ai është optimist dhe po ec mirë”, deklaroi Guardiola.
Muric tashmë me gjasë do të mbetet portier i tretë, kur dihen kualitetet dhe çmimi i paguar për Bravon. /Telegrafi/