Manchester City dhe Newcastle United është kryendeshja e xhiros së dytë në elitën e futbollit anglez Ligën Premier.
Kampioni në fuqi i Kosovës do të përballet para adhuruesve të vet me Newcastlen që gjithashtu e ka nisur me fitore edicionin e ri në Angli.
Pep Guardiola i frikësohet përballjes me Newcastlen, duke thënë se përkundër që nuk janë në formën më të mirë, kanë edhe mungesa të shumta.
“Ne nuk jemi në maksimumin tonë, në formën më të mirë.Është normale dhe kemi sistemuar disa gjëra, por shpirti është aty. Kevin do të jetë jashtë për katër ose pesë muaj, Gundogan nuk është këtu. Na duhet kohë për të rregulluar disa gjëra”.
“Lojtarët e rëndësishëm nuk janë këtu. John Stones është jashtë, Bernardo është jashtë. Ruben Dias nuk e di. Gvardiol ka pak ditë që ka ardhur dhe duhet të mësojë parimet. Kemi nevojë për kohë dhe duhet të fitojmë më shumë pikë”.
“Ne jemi vërtetë të kënaqur me trofetë që fituam, na duhet vetëm një për të përfunduar ciklin, pastaj Kupa e Botës për Klube për të fituar të gjithë titujt. Ky është një gëzim, një kënaqësi”, tha Pep.
Tutje Pep i ka kërkuar përkrahje tifozëve pasi ka thënë se do të përballen me një skuadër të madhe.
“Na duhet stadiumi ‘Etihad’ plot, qëndroni me ne ju lutem. Nuk jemi në momentin tonë më të mirë, qëndroni aty në momentet e këqija”
“Ne kemi nevojë për njerëzit tanë më shumë se kurrë këtë sezon. Ne nuk mund të jemi në ‘Etihad’ vetëm duke parë se sa të mirë jemi, apo për shkak të asaj që kemi bërë. Na duhen mbështetësit që në minutën e parë kundër një ekipi të jashtëzakonshëm. Edi Howe krijoi një ekip fantastik, në tranzicione dhe në zotërim topi, në gjithçka. Do të jetë një test i madh për ne”, deklaroi Pep. /Telegrafi/