David Alaba do të largohet gjatë afatit kalimtar veror nga Bayern Munich.
Mbrojtësi austriak nuk dëshiron të luaj si qendërmbrojtës edhe një sezon te Bayerni dhe ka kërkuar larimin nga klubi.
Kontrata aktuale e Alabas me baverezët skadon në verën e vitit 2021 dhe palët nuk kanë arritur marrëveshje për bashkëpunim të ri.
Drejtuesit e Bayernit kanë pranuar se janë gati ta shesin në verë lojtarin për mos ta humbur atë pas një viti pa para.
Inter, Juventus, Real Madrid, Barcelona, Chelsea e Arsenal janë skuadrat e interesuara për të.
Por së fundmi me çdo kusht austriakun po e kërkon edhe Pep Guardiola tek Manchester City.
Trajneri spanjoll i ka bërë të qartë drejtuesve të klubit se e sheh Alaban si zgjidhjen ideale për krahun e majtë të mbrojtjes.
City po planifikon të dërgojë një ofertë prej 50 milionë euro për lojtarin, ofertë që pritet të pranohet.
Kujtojmë që vetëm disa ditë më parë Bayern dhe City finalizuan një marrëveshje kur Leroy Sane iu bashkua kampionëve të ri të Gjermanisë. /Telegrafi/