Një video amatore që po qarkullon në rrjetet sociale, shfaqin një grup nënash “pa fije turpi” duke u rrahur brutalisht mes vete para një shkolle.
Këto gra janë parë duke shqelmuar dhe grushtuar e madje shkulur flokët njëra tjetrës, në prezencë të kalimtarëve të rastit që mbanin në duar foshnjat e tyre, transmeton Telegrafi.
Derisa dy gra fillojnë të rrahen në lojë futen edhe dy tjera, ndërkaq një grua që mbante në duar foshnjën tenton të gjej një vend më të sigurt, ndërsa autori i videos që kishte filmuar nga vetura tha se kalimtarët e rastit mbetën të shokuar kur panë këtë veprim.
Ngjarja e tmerrshme raportohet të ketë ndodhur para një shkolle fillore në Rio Tercero në provincën Corboda në Argjentinë, ndërsa të gjithë ata që kanë pasur rastin ta shikojnë videon kanë kërkuar nga autoritetet lokale që të angazhojnë policë në portat e çdo shkolle.
Ndërkaq, ende nuk dihet motivi që shtyu këto gra të rrahen në qendër të qytetit, duke mos iu bërë përshtypje fare që të tjerët po i vështronin. /Telegrafi/
