Grupi italian, “Maneskin”, i cili fitoi Eurovision Song Contest në vitin 2021, tërhoqi vëmendjen në ceremoninë e ndarjes së çmimeve Video Music Awards.
Frontmeni Damiano David zgjodhi një xhaketë, fund të gjatë dhe dollakë për këtë rast dhe nxori në pah muskujt e tij. Kujtojmë që në fillim të këtij viti pati akuza se ai ishte bërë i varur nga droga, por muzikanti i mohoi.
Pavarësisht kritikave të shumta për pamjen e tij, shumë zonja ende e konsiderojnë atë një simbol seksi.
HONEY! (Did u see?) @thisismaneskin is on the #VMAs carpet 🤘🖤 pic.twitter.com/M3QNPbVHEl
— Video Music Awards (@vmas) September 12, 2023
Ethan Torchio, bateristi i grupit, i kishte ngjyrosur flokët e gjata në bionde. Basistja Victoria De Angelis dhe kitaristi Thomas Raggi ishin veshur gjithashtu me të zeza.
Për dallim nga shumë fitues të tjerë të Eurovisionit, anëtarët e grupit “Maneskin” nuk ranë në harresën e kohën, duke qenë se ata performojnë rregullisht në mbarë botën.
Në shkurt, revista Variety i emëroi si grupin më të mirë rock që u shfaq në vitet e fundit. Së fundmi ata kanë prezantuar për publikun një këngë me titull “Honey”. /Telegrafi/