Të mërkurën në Gjakovë grumbullohen hendbollistet e Kosovës U-17.
Kjo skuadër do të marrë pjesë në Kampionatin e 16-të Mesdhetar që mbahet në Greqi prej 26 shkurtit deri më 5 mars.
Kryetrajneri Mitat Ferati e ka shpallur më herët listën e lojtareve në të cilat llogarit.
Mesdhetari vlerësohet garë e fortë, ndërsa synim i ekipit tonë është zhvillimi i mëtejmë. Ky do të jetë grumbullimi i tretë i kësaj gjenerate.
Algjeria, Kroacia, Greqia, Italia, Mali i Zi, Rumania, Spanja, Tunizia dhe Turqia janë skuadrat tjera pjesëmarrëse. Pas disa ditësh përgatitje në Gjakovë, Kosova do të udhëtojë drejt Greqisë.