Dy futbollistët që premtojnë shumë në futbollin gjerman, Brajan Gruda dhe Rocco Reitz, do t’i bashkohen në kampin stërvitor që ishin të përfshirë në listën preliminare të përzgjedhësit Julian Nagelsmann për Euro 2024.
Kështu ka njoftuar të enjten Federata e Futbollit e Gjermanisë, ndërsa grumbullimi ka nisur në Blankenhain.
Pasi disa prej 27 lojtarëve të ftuar më herët nga Nagelsmann do të mungojnë në nisje të përgatitjeve për shkak të angazhimit në finalen e Kupës së Gjermanisë dhe Ligës së Kampionëve, përzgjedhësi gjerman ka ftuar dy lojtarët perspektivë, Grudën e Mainzit dhe Reitzin e Moenchengladbachut.
ℹ️ U 21-Nationalspieler Brajan Gruda und Rocco Reitz werden bis einschließlich Freitag mit dem EM-Kader trainieren:
👉 https://t.co/4ncIwReILZ#dfbteam @dfb_junioren pic.twitter.com/Iw9RUl7tzY— DFB-Team (@DFB_Team) May 23, 2024
Gjermanisë ende nuk i janë bashkuar Robert Andrich, Jonathan Tach dhe Florian Wirtz nga kampioni i Gjermanisë, Bayer Leverkuseni, si dhe Toni Kroos, Antonio Ruediger të Real Madridit, si dhe Nico Schlotterbeck dhe Niclas Fuellkrug të Borussia Dortmundit.
Ata janë ftuar për “t’iu dhënë mundësia ta tregojnë veten në ekipin senior”, shkruhet aty, pasi Gruda dhe Reitz janë prej lojtarëve kryesorë të Gjermanisë U21.
Gruda dhe Reitz do të jenë pjesë e kampit stërvitor të Gjermanisë deri të premten e ardhshme. /Telegrafi/